Xalq deputatlari Tuproqqal’a tuman Kengashi huzuridagi “Mahalliy budjet, tadbirkorlikni rivojlantirish va iqtisodiy islohotlar” masalalari bo‘yicha doimiy komissiya yig‘ilishida O‘zbekiston “Adolat” SDP tuman Kengashi deputatlik guruhi tashabbusi bilan kam ta’minlangan xonadonlarga davlat subsidiyasi asosida o‘rnatilgan quyosh panellari bo‘yicha jamoatchilik nazorati natijalari muhokama qilindi.

O‘rganish davomida quyosh panellarining o‘rnatilishi, texnik holati va ulardan samarali foydalanish jarayonlari tahlil qilindi. Mazkur tashabbus aholini qo‘llab-quvvatlash, energiya tejamkorligini oshirish hamda yashil energetikani rivojlantirishga xizmat qilmoqda.

Yig‘ilish yakunida aniqlangan masalalar yuzasidan tegishli tavsiya va vazifalar belgilandi.