Aholidan kelib tushgan murojaatlar asosida “Yangiobod” mahallasida mavjud infratuzilma muammolari tuman deputati Nazokat Narxadjayeva tomonidan joyiga chiqib o‘rganildi.

📍 O‘rganishlar jarayonida “Darvozaqir” qishlog‘idagi qabriston va aholi punktiga olib boruvchi 4 kilometr yo‘l qismi hamda “Yusufobod” qishlog‘idagi 33-sonli umumta’lim maktabiga olib boruvchi yo‘lning 1 kilometr qismini asfaltlashtirish zarurligi aniqlandi.

🛣 Mazkur yo‘llarning bugungi kunda qoniqarsiz holatda ekani, ayniqsa yomg‘irli mavsumda harakatlanish qiyinlashishi fuqarolar tomonidan bildirilmoqda. Ushbu masala aholining kundalik turmushiga, o‘quvchilarning maktabga qatnoviga hamda umumiy harakat xavfsizligiga bevosita ta’sir ko‘rsatmoqda.

— Ushbu muammo bo‘yicha deputat tegishli tashkilotlarga deputat so‘rovi yubordi!

🏀 Shuningdek, 33-sonli umumta’lim maktabi hududida qurilishi o‘z vaqtida yakunlanmagan va foydalanish uchun yaroqsiz holga kelgan bino buzilib, uning o‘rnida zamonaviy sport zali qurilishi boshlandi. Mazkur qurilish ishlari o‘quvchilar uchun munosib sharoit yaratish, ularning jismoniy tarbiya va sport bilan shug‘ullanish imkoniyatlarini kengaytirishga xizmat qiladi.

Hududdagi muammolarni bosqichma-bosqich hal etish, aholi uchun qulay va xavfsiz infratuzilma yaratish borasidagi ishlar izchil davom etmoqda.