O‘tgan yilda “Kambag‘allikdan farovonlik sari”, Investitsiya dasturlari, “Yashil makon”, "Tashabbusli budjet" hamda xalqaro loyihalar doirasida tumanda maktab, tibbiyot, yo‘l, elektr, gaz, ichimlik suvi, irrigatsiya va turar joy infratuzilmasini yaxshilashga qaratilgan qator loyihalar amalga oshirildi. Yil davomida 145 km yo‘l ta’mirlandi, elektr va gaz ta’minoti yaxshilandi, minglab aholi xonadonlarining suv va energiya ta’minoti mustahkamlandi.

Shuningdek, investitsiya va xalqaro moliya institutlari ishtirokida ijtimoiy soha obyektlari, yangi uy-joylar, turistik majmualar hamda “Yangi O‘zbekiston” massivida qurilish ishlari jadal olib borilmoqda.

Yig‘ilishda belgilangan vazifalar ijrosini qat’iy nazorat qilish, ajratilgan mablag‘lardan samarali foydalanish va loyihalarni o‘z vaqtida yakunlash muhimligi ta’kidlandi.