Xalq deputatlari Taxiatosh tumani Kengashi deputati Bazargul Daubayeva tomonidan tumandagi 4-sonli umumta’lim maktabida "Chaqiruvga qadar boshlang‘ich tayyorgarlik" fanini o‘qitish holatini o‘rganish bo‘yicha monitoring ishlari olib borildi.

O‘quv jarayonida mazkur fan bo‘yicha darslar amaldagi o‘quv reja va dasturlarga muvofiq olib borilayotgani, o‘quvchilarga harbiy-vatanparvarlik ruhini singdirish, boshlang‘ich harbiy bilim va ko‘nikmalarni shakllantirish masalalariga alohida e’tibor qaratilayotgani ta’kidlandi.

Shuningdek, fanni o‘qitishda moddiy-texnik baza, o‘quv qurollari va ko‘rgazmali vositalar bilan ta’minlanganlik holati, darslarning samaradorligi va o‘qituvchilarning kasbiy malakasi o‘rganilib, tegishli tavsiyalar berildi.