⚡️Xalq deputatlari Chinoz tumani Kengashi deputati L.Sobirjonova Ahillik mahallasida bo‘lib, mahalladagi xotin-qizlar faoli tomonidan amalga oshirilayotgan ishlar samaradorligi, ayollar bilan ishlash tizimi hamda ularning ijtimoiy faolligini oshirishga qaratilgan chora-tadbirlar holatini o‘rgandi.

✨Mazkur masala yuzasidan Ahillik hududida joylashgan 27-sonli umumta’lim maktabida yig‘ilish tashkil etildi. Yig‘ilish davomida xotin-qizlarning bandligini ta’minlash, ularni kasb-hunarga yo‘naltirish, huquqiy va ijtimoiy qo‘llab-quvvatlash, shuningdek, oilalarda sog‘lom muhitni mustahkamlash masalalari atroflicha muhokama qilindi.

💫Tadbirda maktab ma’muriyati, mahalla faollari hamda xotin-qizlar ishtirok etib, mavjud muammolar va ularni bartaraf etish bo‘yicha taklif va mulohazalar bildirildi. Deputat Laziza Sobirjonova tomonidan bildirilgan fikrlar asosida tegishli tashkilotlar bilan hamkorlikda aniq chora-tadbirlar belgilab olindi hamda kelgusida xotin-qizlar bilan ishlash samaradorligini yanada oshirish muhimligi ta’kidlandi.