Joriy yilning 27-sentyabr kuni Xalq deputatlari Bekobod tuman Kengashining navbatdagi 18-sessiyasi kun tartibida tumandagi ijtimoiy soha obyektlarini, shu jumladan maktabgacha va maktab ta’limi tasarrufidagi binolar, sog‘liqni saqlash muassasalari, madaniyat va sport obyektlarini kuz-qish mavsumini talafotsiz o‘tkazish yuzasidan manzilli tadbirlarni belgilash hamda ularning amalga oshirilishini ta’minlash maqsadida Xalq deputatlari yuman Kengashi deputati I.Qodirova tomonidan O‘zbekiston mahalladagi maktab va maktabgacha ta’lim muassasalarida o‘rganish ishlarini olib bordi.

O‘zbekiston mahalladagi maktab, maktabgacha ta’lim tashkilotida isitish tizimining holati, qozonxonalarni xavfsizlik talablariga javob berish holatlari ko‘rib chiqildi. Bundan tashqari “Yashil makon” umummilliy dasturi doirasida qilingan ishlar, atrof-muhitning tozaligi boʻyicha oʻrganishlar olib borib, ekilgan ko‘chatlarni parvarishlash yuzasidan ko‘rsatmalar berdi.