BOG‘ MAHALLASIDAGI YO‘L MUAMMOSI JOYIGA BORIB O‘RGANILDI.

Xalq deputatlari Uychi tuman Kengashi kotibiyat mudiri, 8-Muborak saylov okrugi deputati N.Dedaxanova va Bog‘ mahallasi raisi R.Abdullayevalar tomonidan mahallaning Karnaychi ko‘chasidagi asfaltlash bilan bog‘liq muammo joyiga borib o‘rganildi.
O‘rganish jarayonida ko‘chaning mavjud holati ko‘zdan kechirilib, aholi uchun yuzaga kelayotgan noqulayliklar muhokama qilindi. Shuningdek, yo‘lni asfaltlash, hududni obodonlashtirish va aholiga qulay sharoit yaratish bo‘yicha zarur chora-tadbirlar belgilab olindi.
Mazkur masalani ijobiy hal etish yuzasidan tegishli mas’ul tashkilotlarga takliflar kiritish hamda muammoni deputatlik nazorati asosida o‘rganish belgilandi.