Sayyor qabul jarayonida mahalla fuqarolar yig‘ini raisi, profilaktika inspektorlari, hokim yordamchisi, xotin-qizlar faoli hamda yoshlar yetakchisi bilan birgalikda hududdagi mavjud ijtimoiy-iqtisodiy muammolar atroflicha muhokama qilindi.

 Aholi tomonidan bandlik, tadbirkorlikni rivojlantirish, kommunal xizmatlar sifati, ichimlik suvi, yo‘l va infratuzilma masalalari, ijtimoiy yordam va uy-joy bilan bog‘liq murojaatlar bildirildi.

Har bir murojaat alohida qayd etilib, hal etilishi mumkin bo‘lgan masalalarni joyida ko‘rib chiqish bo'yicha deputat so'rovi yuborish belgilandi. Muddat talab qiladigan muammolar esa nazoratga olinib, ijrosi yuzasidan aniq vazifalar belgilab berildi.

Deputatl L.Avezova tomonidan aholi bilan ochiq va samimiy muloqot olib borilib, fuqarolarning taklif va tashabbuslari qo‘llab-quvvatlandi. Shuningdek, hududni obodonlashtirish, ijtimoiy himoyaga muhtoj oilalarni qo‘llab-quvvatlash hamda yoshlar bandligini ta’minlash borasida kelgusidagi rejalar muhokama qilindi.

Mazkur sayyor qabul aholi muammolarini joyida o‘rganish, ularni tizimli hal etish hamda davlat organlari bilan fuqarolar o‘rtasidagi o‘zaro ishonchni mustahkamlashga xizmat qilmoqda.