Xalq deputatlari Qo‘qon shahar Kengashining 18-“Navro‘z” saylov okrugidan saylangan deputati R.Talipdjanov tomonidan “Toshkentlik go‘zari” mahalla fuqarolar yig‘inida aholi murojaatlarini o‘rganish va hududdagi mavjud muammolarni aniqlash maqsadida o‘rganish ishlari olib borildi.

O‘rganish davomida mahalla hududidagi Toshkentlik go‘zari ko‘chasining 400 metr qismini asfaltlashtirish masalasi yuzasidan fuqarolardan murojaatlar kelib tushgani ma’lum bo‘ldi. Aholi tomonidan ko‘tarilgan mazkur masala ko‘cha infratuzilmasini yaxshilash, transport vositalari va piyodalar harakati uchun qulay sharoit yaratish nuqtayi nazaridan muhim ahamiyatga ega.

Ko‘chalarning ravon va sifatli yo‘l qoplamasiga ega bo‘lishi fuqarolarning kundalik hayotida muhim o‘rin tutadi. Xususan, yo‘lning asfaltlanishi transport qatnovini yengillashtirish, piyodalar harakati uchun qulaylik yaratish hamda noqulay ob-havo sharoitida yuzaga kelishi mumkin bo‘lgan muammolarni kamaytirishga xizmat qiladi.

Deputatlik o‘rganishi davomida aholi tomonidan bildirilgan murojaatning mazmuni va dolzarbligiga e’tibor qaratildi. Shuningdek, ko‘chaning 400 metr qismini asfaltlashtirish imkoniyatlarini ko‘rib chiqish, ushbu masala yuzasidan tegishli mas’ul tashkilotlar bilan hamkorlik qilish hamda muammoning qonuniy tartibda hal etilishiga ko‘maklashish zarurligi qayd etildi.

Mazkur masala yuzasidan aholi murojaatini tegishli tartibda ko‘rib chiqish, yo‘l ta’mirlash ishlarini amalga oshirish imkoniyatlarini o‘rganish va zarur choralarni belgilash muhim hisoblanadi.

Xalq deputatlari Qo‘qon shahar Kengashi