ЁШЛАР БАНДЛИГИ — ДОИМИЙ ЭЪТИБОРДА

Халқ депутатлари Уйчи туман Кенгаши котибияти бош мутахассиси Б. Жўраев томонидан Соку маҳалласида ёшлар билан ишлаш йўналишида амалга оширилаётган ишлар ўрганилди.
Ўрганиш давомида маҳалладаги ёшлар етакчиси томонидан ташкил этилаётган тадбирларнинг самарадорлиги, ёшларнинг бўш вақтини мазмунли ташкил этиш, уларнинг ижтимоий фаоллигини ошириш, истеъдод ва қобилиятларини рўёбга чиқариш борасида амалга оширилаётган ишлар таҳлил қилинди.
Шунингдек, ёшлар бандлигини таъминлаш, уларни касб-ҳунарга йўналтириш, тадбиркорликка жалб этиш, ишсиз ёшларни аниқлаш ҳамда уларни мавжуд имкониятлардан фойдаланган ҳолда меҳнат фаолиятига жалб қилиш бўйича амалга оширилаётган ишларга алоҳида эътибор қаратилди.
Маҳаллада ёшлар билан индивидуал ишлаш ҳолати, уларнинг муаммо ва таклифларини ўрганиш, “Ёшлар дафтари” билан ишлаш самарадорлиги ҳам кўриб чиқилди.
Ўрганиш якунида ёшлар билан ишлаш самарадорлигини янада ошириш, ҳар бир ёш билан манзилли ишлаш, айниқса, бандлиги таъминланмаган ёшларни касб-ҳунар ва доимий даромад манбаи билан таъминлаш бўйича масъулларга тегишли тавсия ва таклифлар берилди.
Ёшлар билан самарали ишлаш — уларнинг бугуни ва келажагига сармоядир!