O‘zbekiston Respublikasi davlat mustaqilligining 35 yilligi munosabati bilan “Mahalla obodligi va mehr-saxovat” shiori ostida o‘tkazilayotgan “Dolzarb 40 kunlik” tadbirlari Uchquduq tumanida izchil davom etmoqda.

🔹 Xalq deputatlari Uchquduq tumani Kengashi 6-Tog‘ saylov okrugi deputati, tuman hokimi U.Yelmuratov hamda 11-Geologlar saylov okrugi deputati A. Hamidov mas’ullar ishtirokida tumandagi mahalla va ovul fuqarolar yig‘inlarida bo‘lib, hududlarda olib borilayotgan obodonlashtirish va ko‘kalamzorlashtirish ishlarini o‘rgandilar.

🔹 O‘rganish davomida ko‘chalar, aholi xonadonlari atrofi, ijtimoiy obyektlarga tutash hududlarning tozaligi, chiqindilarni belgilangan joylarga chiqarish, daraxt va gul ko‘chatlarini parvarishlash holatiga alohida e’tibor qaratildi.

🔹 Shuningdek, aniqlangan kamchiliklarni tezkor bartaraf etish, obodonlashtirish ishlarini yanada jadallashtirish hamda Mustaqillik bayrami arafasida hududlarda namunali ozodalik va obodonlikni ta’minlash yuzasidan mas’ullarga tegishli topshiriqlar berildi.

🌿 Yurtimiz obodligi — har birimizning umumiy mas’uliyatimiz!
🇺🇿 Mustaqillik bayrami oldidan Uchquduq yanada obod va ko‘rkam bo‘lsin!