Deputat máhálle jetiligi jumısı menen tanıstı

⚡️Xalıq deputatları Shımbay rayonlıq Keńesi deputatı G.Bayjanova “Abatmakan” máhálledegi "máhálle jetiligi"niń jumısı úyrenildi.

Úyreniw dawamında máhállede xalıq penen islesiw, puqaralardıń múrájatların kórip shıǵıw, shańaraqlardıń sociallıq jaǵdayın úyreniw, járdemge mútáj puqaralardı qollap-quwatlaw jáne jaslar hám hayal-qızlar menen alıp barılıp atırǵan jumıslardıń jaǵdayına itibar qaratıldı.

Sonday-aq, máhállede bántlikti támiyinlew, isbilermenlikti rawajlandırıw, jumıssız puqaralardı kásip-ónerge baǵdarlaw hám mashqalalı shańaraqlarǵa ámeliy járdem kórsetiw baǵdarındaǵı jumıslar menen tanıstı.


Deputat tárepinen "máhálle jetiligi" aǵzaları menen bar mashqalalar hám olardıń sheshimleri boyınsha pikir alısılıp, xalıqtıń máplerin támiyinlew, múrájatlardı óz waqtında kórip shıǵıw hám máhálledegi sociallıq máselelerdi sheshiw boyınsha tiyisli usınıslar bildirildi.