Angor tuman Tibbiyot birlashmasida O‘zbekiston Respublikasi Prezidentining 2025-yil 19-maydagi “2025–2030-yillarda bolalar saratoniga qarshi kurashish bo‘yicha O‘zbekiston Respublikasi milliy strategiyasini amalga oshirish chora-tadbirlari to‘g‘risida”gi PQ–186-sonli qarori ijrosi yuzasidan amalga oshirilayotgan ishlar navbatdagi sessiya kun tartibiga kiritildi. Mazkur masala yuzasidan xalq deputatlari Angor tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi a’zolari tomonidan tuman Tibbiyot birlashmasida joyiga chiqib o‘rganish ishlari olib borildi. O‘rganish jarayonida bolalar o‘rtasida onkologik kasalliklarni erta aniqlash, zamonaviy diagnostika va davolash jarayonlari, mutaxassislar bilan ta’minlanganlik, tibbiy jihozlar holati hamda aholiga ko‘rsatilayotgan tibbiy xizmat sifati atroflicha tahlil qilindi. Aniqlangan kamchiliklar yuzasidan tegishli taklif va tavsiyalar ishlab chiqilib, sessiyada mas’ullarning hisoboti eshitilishi belgilandi.