“Madad” NNT va Xalq deputatlari Gʻallaorol tuman Kengashi kotibiyati o‘rtasida hamkorlik Memorandumi imzolandi.

Hujjatga ko‘ra, tomonlar quyidagi yo‘nalishlarda hamkorlikni amalga oshiradilar:

•aholiga huquqiy maslahatlar ko‘rsatish;

•sayyor qabullar va uchrashuvlar tashkil etish;

•seminar, davra suhbatlari va targ‘ibot tadbirlarini o‘tkazish;

•fuqarolarning murojaatlari bilan ishlash hamda huquqiy hujjatlar tayyorlashda amaliy ko‘maklashish;

•aholining huquqiy savodxonligini oshirishga qaratilgan loyihalarni birgalikda amalga oshirish.

Memorandum imzolangan kundan e’tiboran kuchga kiradi va tomonlarning o‘zaro kelishuviga muvofiq amalga oshiriladi.

Mazkur hamkorlik fuqarolarning huquq va qonuniy manfaatlarini himoya qilish, hududda huquqiy madaniyatni yuksaltirish hamda aholiga ko‘rsatilayotgan yuridik xizmatlar sifatini oshirishga xizmat qiladi.