Bandixon tumanida “Ishbilarmon ayol” ko’rik tanlovining mahallalardagi saralash bosqichi o’tkazildi

“Ishbilarmon ayol” ko’rik tanlovi to’g’risida O’zbekiston Respublikasi Prezidentining “O’zbekiston-2030” strategiyasi to’g’risidagi Farmoni hamda partiya saylovoldi dasturida belgilab berilgan ustuvor vazifalarni amalga oshirish bo’yicha yurtimizda amalga oshirilayotgan ijtimoiy-iqtisodiy islohotlar, biznes va xususiy sektorning rivojlanishida faol ishtirok etayotgan shijoatli, tashabbuskor xotin-qizlarimizni qo’llab-quvvatlash hamda zamonaviy tadbirkor ayol qiyofasini yaratish maqsadida har yili “Ishbilarmon ayol” ko’rik tanlovi o’tkazib kelinadi. 

Bugun Bandixon tumanida tuman hokimligi, Oila va xotin-qizlar bo’limi, Tadbirkorlar va ishbilarmonlar harakati – O‘zbekiston Liberal-demokratik partiyasi Bandixon tuman Kengashi, tuman Madaniyat bo’limi hamda Bandixon Barkamol avlod bolalar maktabi bilan hamkorlikda “Ishbilarmon ayol” ko’rik tanlovining mahallalar saralash bosqichi o’tkazildi.

Tadbirda tuman hokimi A.Allamuradov ishtirok etib, tadbirkor xotin-qizlarimiz bilan suhbatlashdi. Tuman hokimi tomonidan tadbirkor ayollarimizning g’oyalari, takliflari tinglandi. 

Tadbir yakunida g’olib tadbirkor xotin-qizlarimiz hamkor tashkilotlarning diplom va esdalik sovg’alari bilan taqdirlandi.

https://t.me/bandixon_deputatlari