Бугун "Саркоп" ОФЙ ҳудудидаги 48-мактаб биносида Халқ депутатлари Беруний тумани Кенгаши депутати Л.Хожаниязованинг 2025-йил дастлабки уч ойи давомида амалга оширган ишлари юзасидан ўз сайловчиларига ахбороти тингланди. 

Ўзбекистон Республикаси Президентининг “2025-йилда аҳоли бандлигини таъминлаш ва камбағалликни қисқартириш чора - тадбирлари тўғрисида”ги ПҚ-12-сон, “Камбағалликдан фаровонлик сари» дастурини амалга ошириш бўйича биринчи навбатдаги чора-тадбирлар тўғрисида”ги ПҚ-330-сон Қарорлари, Ўзбекистон Республикаси
Президентининг “Ҳудудларда юқори иқтисодий ўсиш ва аҳоли бандлигини таъминлашнинг янги тизимини йўлга қўйиш ҳамда бу борада маҳаллий ҳокимликларнинг роли ва масъулиятини ошириш чора-тадбирлари тўғрисида”ги ПФ-223-сони Фармони, Ўзбекиcтон Республикаси Олий Мажлиси Сенати Кенгашининг “Камбағалликни қисқартириш бўйича белгиланган устувор вазифаларнинг бажарилишини назорат қилиш чора-тадбирлари тўғрисида”ги КҚ-6-V-сон, "Ҳудудларни ривожлантириш ҳамда аҳоли муаммоларини ҳал этишда маҳаллий Кенгашлар депутатлари ва сенаторларнинг «маҳалла еттилиги» билан ўзаро ҳамкорлигини янада кучайтириш чора-тадбирлари тўғрисида"ги Қарорлари мазмун-моҳияти хусусида батафсил фикр билдирилди. 

 Йиғилишда депутат Л. Хожаниязова 2025-йил дастлабки 3 ойида аҳолидан 22 та мурожаат тушгани, улар бўйича, 8таси жойида ҳал этилгани, 8таси бўйича ҳуқуқий тушунтириш, 6 та депутатлик сўровларини Давлат ҳокимияти ва бошқаруви органларининг мансабдор шахсларига уларнинг ваколати доирасида асослантирилган тушунтиришлар бериш талаби билан чиқарилиб тегишли жавоблар олинди.