Ózbekstan "Milliy tiklanish" demokratiyalıq partiyasınıń saylawaldı baǵdarlaması hám usı tiykarda partiyanıń 2025-jıl ushın is-rejesinde belgilengen "2019-2024-jıllarda Ózbekstan Respublikasında málimleme-kitapxana tarawın rawajlandırıw Koncepciyası" tiykarında jergilikli deputatlar tárepinen aymaqlardaǵı málimleme kitapxana oraylarınıń ámelge asırıp atırǵan jumıslar barısı úyrenilmekte. Qaraqalpaqstan Respublikası Joqarǵı Keńesindegi partiya frakciyası aǵzası, deputat Olga Niyazova, ÓzMTDP Qaraqalpaqstan Respublikalıq Keńesi hám Qaraózek rayonlıq Keńesi, xalıq deputatları rayonlıq Keńesindegi deputatlıq toparı tárepinen rayondaǵı málimleme kitapxana orayı hám rayonlıq mádeniyat bólimi jumısları úyrenildi.