Xalq deputatlari Boyovut tumani kengashida "Yettinchi chaqiriq Xalq deputatlari Boyovut tumani kengashining oltinchi sessiyasi" kun tartibiga kiritilgan masalalar yuzasidan Mahalliy byudjet, tadbirkorlikni rivojlantirish va iqtisodiy islohotlar bo‘yicha doimiy komissiyasi hamda Ijtimoiy soha, yoshlar siyosati, madaniyat va sport masalalari bo‘yicha doimiy komissiyalari yig‘ilishi bo‘lib o‘tdi.

📑 Yig'ilish kun tartibidan:

✅ 2025-yil “Atrof-muhitni asrash va “yashil” iqtisodiyot-yili” hamda “O‘zbekiston-2030” strategiyasida belgilangan maqsadlar ijrosi yuzasidan 2025-yilda qayta tiklanuvchi energiyadan foydalanish yuzasidan tuman hokimining birinchi o‘rinbosari (O‘.Sariboyev)ning hisobot to‘g‘risida;

✅ Mahalliy budjetlar daromadlari bajarilishi holati, ular tomonidan qo‘shimcha rezervlarni aniqlash bo‘yicha qilingan ishlar, shuningdek, soliqlar va boshqa majburiy to‘lovlar kesimida budjetga hisoblangan va amalda to‘langanligi, ular bo‘yicha soliq qarzdorligi yuzasidan tuman soliq inspeksiyasi boshlig‘i (S.Azamov)ning hisoboti to‘g‘risida;

 ✅ “O‘zbekiston-2030” strategiyasida belgilangan 13-21-maqsadlar hamda aholiga birlamchi tibbiy xizmatlarni yanada yaqinlashtirish, irsiy kasalliklarning oldini olish va davolash samaradorligini oshirish, Onalar va bolalar o‘limini qisqartirish, sog‘lom bolalikni ta’minlash va boshqa kasalliklarni oldini olishda amalga oshirilayotgan ishlar yuzasidan tuman Tibbiyot birlashmasi boshlig‘ining hisoboti;

 ✅ Boyovut tumani mahalliy budjetining 2024-yilning IV-choragi ijrosi to‘g‘risida;

Ma'lumot o‘rnida: Boyovut tumani Iqtisodiyot va Moliya bo‘limining hisobotida asosli va yetarli ma'lumotlar bo‘lmaganligi sababli, doimiy komissiya yig‘lishidan qaytarildi. Xato va kamchiliklar bartaraf etilgandan so‘ng, qayta doimiy komissiyada ko‘rib chiqilishi belgilab olindi.