XALQ DEPUTATLARI TERMIZ SHAHAR KENGASHI

Fuqarolar muammolarni joyida o‘rganish, hal qilish hamda zarur maslahat, yo‘l-yo‘riqlar ko‘rsatish maqsadida xalq deputatlari shahar Kengashi deputatlari tomonidan o‘zlariga tegishli saylov okruglarida saylovchilar bilan uchrashuvlar tashkil etilmoqda.

Xalq deputatlari shahar Kengashi deputati G.Xudaykulova odamlarning dard-u tashvishlariga sherik bo‘lish, mavjud muammolarga yechim topish maqsadida "21-Jo‘yjangal" saylov okrugidagi Amu sohillari mahallasida saylovchilari bilan uchrashuv o‘tkazdi.

Yuzma-yuz muloqot chog‘ida fuqarolarga keyingi yillarda mamlakatimizda barcha sohalarda amalga oshirilayotgan keng qamrovli islohotlar, qabul qilinayotgan yangi qonunlar, yangi tahrirdagi Konstitutsiyaning mazmun-mohiyati va ahamiyati haqida batafsil ma’lumotlar berildi.

Uchrashuv davomida saylovchilar tomonidan ularning qiynab kelayotgan muammo va takliflari tinglanib, tegishli tashkilotlarga deputatlik so'rovi bilan chiqish belgilandi.