Видеоконференцалоқа шаклида ташкил этилган ўқув семинарида Халқ депутатлари Жондор туман Кенгаши депутатлари ҳам фаол иштирок этишди. 

 Семинарда Ўзбекистон Республикаси Президенти томонидан Олий Мажлис палаталарининг мажлисларида белгилаб берилган устувор вазифалар, унда вакиллик органларининг ўрни, маҳаллий Кенгашлар депутатлари мақоми, депутатлик фаолиятининг кафолатлари, маҳаллий Кенгашлар, доимий комиссиялар, партия гуруҳлари ва депутатлар фаолиятини тўғри ва самарали ташкил этиш, маҳаллий бюджетни шакллантириш, унинг ижроси устидан самарали депутатлик назоратини амалга ошириш, ҳудудларни ривожлантириш дастурларини шакллантиришда иштирок этиш, тасдиқлаш ҳамда ижроси юзасидан назорат-таҳлил фаолиятини олиб бориш,  дунёвий давлат тамойилларини амалга ошириш ва диний радикаллашувга қарши курашишнинг аҳамияти, қарорлар қабул қилишда қонунийликни таъминлаш, маҳаллий Кенгаш депутатларининг сайловчилар мурожаатлари билан ишлаши, сайлов округида фуқаролар қабулларини ташкил этиш, Маҳаллий Кенгашлар фаолиятида рақамли технологиялар, Маҳаллий Кенгаш депутатларининг оммавий ахборот воситалари ва ижтимоий тармоқлар билан ишлаши, Маҳаллий Кенгаш депутатларининг нутқ маданияти ҳамда мулоқот самарадорлиги, маҳаллий Кенгаш депутатларининг одоб-ахлоқ қоидалари мавзуларида маърузалар тингланди.