Deputat so‘rovi ijobiy hal qilindi ✅

Shovot tumani Xalq deputatlari tuman kengashi deputati M.Madraximovga Ipakchi mahallasi saylovchilari tomonidan og‘zaki murojaat yo‘llangan edi.

Murojaatda Ipakchi mahallasi Islom Karimov ko‘chasida (23-DMTT oldida) ichimlik suvi quvuri teshilib, suv isrof bo‘layotgani ma’lum qilingan. 💧

Mazkur holat yuzasidan deputat tomonidan Xorazmsuvta’minoti AJning Shovot tumani filiali boshlig‘i K. Vaisov nomiga deputat so‘rovi yuborildi.

Natijada korxona xodimlari tomonidan muammo tezkorlik bilan bartaraf etildi va ichimlik suvi sizib chiqishi to‘xtatildi. 🛠

Aholi murojaatlariga befarq bo‘lmaslik va muammolarni o‘z vaqtida hal etish – deputatlik faoliyatining ustuvor yo‘nalishidir.