📌 Bulung‘ur tumani Kattaqishloq mahallasidagi 5-oilaviy poliklinikada aholiga yaratilgan tibbiy xizmat sharoitlari tuman Kengashi deputati tomonidan o‘rganildi

Bulung‘ur tumani Kattaqishloq mahallasida joylashgan 5-oilaviy poliklinikada aholiga yaratilgan tibbiy xizmat sharoitlari tuman Kengashi deputati D. Norqulova boshchiligida batafsil o‘rganildi.

O‘rganish jarayonida muassasaning moddiy-texnik bazasi, zamonaviy tibbiy jihozlar bilan ta’minlanganligi, dorivor vositalarning mavjudligi, shuningdek, bemorlar uchun yaratilgan qulayliklar va xizmat ko‘rsatish jarayonlarining samaradorligi atroflicha baholandi. Shu bilan birga, shifokor va o‘rta tibbiyot xodimlarining professional faoliyati, qabul va navbat tizimining tashkil etilishi, sanitariya-gigiyena talablariga rioya qilinishi ham diqqat bilan tahlil qilindi.

O‘rganish natijalariga ko‘ra aniqlangan kamchiliklarni bartaraf etish, tibbiy xizmat sifatini yanada oshirish va aholiga sifatli, samarali va uzluksiz tibbiy xizmat ko‘rsatishni ta’minlash bo‘yicha tegishli tavsiyalar ishlab chiqildi. Mazkur monitoring tadbirlari aholining sog‘ligini muhofaza qilish va sog‘liqni saqlash tizimining samaradorligini oshirishga qaratilgan doimiy ishlar doirasiga kiradi.

Xalq deputatlari Bulung‘ur tuman Kengashi