Ushbu tadbirda xalq deputatlari Muzrabot tuman Kengashi raisi S.Nurmahmatov, tuman Kengashi kotibiyat mudiri D.Sherboyev va tuman deputatlari, mas’ul tashkilotlar, nuroniylar, mahalla raislari, faollar hamda ommaviy axborot vositalari vakillari ishtirok etishdi.

So‘nggi yillarda mamlakatimizda iqtisodiyotni liberallashtirish, aholi bandligini ta’minlash va inson kapitalini rivojlantirish, ijtimoiy himoya tizimini yangi bosqichga olib chiqish, tadbirkorlik faoliyatini qo‘llab-quvvatlash, qulay investitsiyaviy muhitni shakllantirish hamda davlat boshqaruvi tizimini takomillashtirishga qaratilgan keng ko‘lamli islohotlar amalga oshirildi.

Bu borada O‘zbekiston Respublikasi Prezidentining 2023-yil 11-sentyabrdagi PF-158-son farmoniga muvofiq “O‘zbekiston–2030” strategiyasi mamlakat taraqqiyotining o‘rta muddatga mo‘ljallangan ustuvor yo‘nalishlari, maqsadlari hamda ularga erishish bo‘yicha samaradorlik ko‘rsatkichlarini belgilab berildi.

Shuningdek, “maqsad–harakat–natija” zanjiriga asoslangan mutlaqo yangi strategik rejalashtirish va rivojlanish tizimi joriy etilgani “O‘zbekiston–2030” strategiyasini yangi talablar asosida takomillashtirish zarurligini ko‘rsatmoqda. Ushbu omillar “O‘zbekiston–2030” strategiyasini yangilash va 2026–2030 yillarga mo‘ljallangan yangi samaradorlik ko‘rsatkichlarni belgilashni talab etmoqda.

Tadbir davomida — “O‘zbekiston – 2030” strategiyasini takomillashtirishning mazmun-mohiyati va uning ahamiyati yuzasidan atroflicha muhokama olib borildi.

“O‘zbekiston–2030” strategiyasining mazmun-mohiyatini keng jamoatchilikka yetkazish muhim ahamiyat kasb etishini hamda mazkur strategiyaning mamlakatni barqaror rivojlantirish, aholi farovonligini oshirish, iqtisodiyot tarmoqlarini modernizatsiya qilish hamda ijtimoiy sohada amalga oshirilayotgan islohotlardagi o‘rni va ahamiyati haqida tuman deputati Tangirov Tursunqul tadbir ishtirokchilariga ma’lumot berib o‘tdi.