Vatan himoyachilari bilan ijodiy uchrashuv o‘tkazildi.

Vatanimiz sarhadlarida xizmat qilayotgan mard va fidoyi chegarachi o‘g‘lonlar tumanimizda joylashgan 14-umumta’lim maktabiga tashrif buyurib, yosh rassomlar bilan samimiy uchrashuv o‘tkazildi.

Ushbu uchrashuvda Xalq deputatlari Qibray tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiya raisi, tuman Kengashi deputati F.Bazarbayeva ham ishtirok etdi.

“Armiya: kecha va bugun” shiori ostida tashkil etilgan mazkur tadbirda o‘quvchilar harbiylar bilan muloqot qilib, tinchlik g‘oyalarini san’at orqali ifodalashdi.

Uchrashuv doirasida o‘quvchilar “Tuzalib ket, ona sayyora!” mavzusida ijodiy suratlar chizib, atrof-muhitni asrash, tinchlik va kelajakka mas’uliyat tuyg‘ularini o‘z asarlarida aks ettirishdi.

Jumladan, deputat tomonidan O‘zbekiston O‘zbekiston Respublikasi Prezidentining 2025-yii 21-apreldagi “Korrupsiyaga qarshi kurashish tizimini yanada takomillashtirish bo‘yicha belgilangan ustuvor vazifalar ijrosini samarali tashkil etishga doir chora - tadbirlar to‘g’'risida” gi PF-71-son Farmoni yuzasidan tushunchalar ham berildi.