Xalq deputatlari O‘rta Chirchiq tuman Kengashi deputati Radjapov Shuxratjon Payg‘amarovich tomonidan “Arg'in Sada” mahalla fuqarolar yig‘ini hududida joylashgan 36-sonli umumta’lim maktabining kuz-qish mavsumiga tayyorgarlik holati o‘rganildi.

Tekshiruv davomida ta’lim muassasasining isitish tizimlari, qozonxona sxemasi, tom qismi, elektr va suv ta’minoti, shuningdek, umumiy foydalanishdagi joylar holati atroflicha ko‘zdan kechirildi.

Shu bilan birga, kuz-qish mavsumida o‘quvchilar uchun qulay sharoit yaratish, xavfsizlik talablariga rioya etish hamda mavjud kamchiliklarni bartaraf etish bo‘yicha mas’ul tashkilotlar va maktab ma’muriyatiga tegishli tavsiyalar berildi.

Ushbu o‘rganish natijalari tuman hududidagi ta’lim muassasalarining mavsumiy tayyorgarlik ishlarini samarali tashkil etishga xizmat qiladi.

Xalq deputatlari O'rta Chirchiq tumani Kengashi!