Ózbekstan Respublikası Oliy Majlisi Nızamshılıq palatası deputatı B.Aldamuratov Taxtakópir rayonında bolıp saylawshılar menen ushırasıwlar ótkerip, úyreniwler alıp bardı.
Deputat dáslep Beltaw awıl puqaralar jıyınına barıp, ol jerde máhálle wákilleri, aymaq nuranıyları menen sáwbetlesti. Máhálle aymaǵında ámelge asırılıp atırılǵan jumıslar, xalıqtı qıynap kiyatırǵan mashqalalar boyınsha pikir alısıp, jańadan qabıl etilgen párman, qararlar, mámleketlik baǵdarlamalardıń mazmunı, turmısımızdaǵı áhmiyeti haqqında túsindirip ótti.
Aymaqtaǵı 15-sanlı mektepte bolıp, onda deputat tárepinen gúz-qıs máwsimine tayarlıǵın úyrendi.
Sonday-aq, deputat saylawshılar múrájat, mashqalaların deputatlıq qadaǵalawına alıwın bildirdi.