Sho‘rchi tumanidagu 122-maktab internatida o‘tkazilgan tadbir har bir qalbga iliqlik,
mehr va ishonch nurini olib kirdi. Maktabning keng zalida bolalarning quvonchli shovqini, sahna ortida esa ularning intilish va orzulari sezilib turardi. 

        Tadbir avvalida Xalq deputatlari Sho‘rchi tumani Kengashi raisi Akbarali Ishmurzoev
o‘quvchi va o‘qituvchilarni tabrikladi.  

        Mayin kuy yangradi, sahnaga chiqqan har bir o‘qituvchi va o‘quvchi o‘z iste’dodi, o‘ziga xosligi bilan yig‘ilganlarga ilhom ulashdi.  

        Ularning qo‘shiq va she’rlari, sahna ko‘rinishlari nafaqat tomoshabinlarni hayratga soldi, balki mehr-oqibatning nechog‘lik muhimligini yana bir bor eslatdi. 

        Ushbu tadbir Nogironlar kuni ramzi bo‘libgina qolmay, har bir insonning qalbida mehr va muruvvat chirog‘ini yanada yorqinroq yoqdi.