Xalq deputatlari Parkent tumani Kengashiga 16-“Bodomtepa” saylov okrugidan saylangan deputat Ashirmatova Xurshida Soliyevna tumanimizdagi 7-umumiy o‘rta ta’lim maktabida bo‘lib, ta`lim muassasasining kuz-qish mavsumiga tayyorgarligi hamda chiqindilarni o‘z vaqtida olib chiqish holati bo‘yicha deputatlik nazoratini amalga oshirdi. Oʻrganish jarayonida taʼlim muassasasining isitish uskunalarining texnik ko‘rikdan o‘tkazilganligi, uzatish tarmoqlarini, isitish qozonlari soz xolatda ekanligi hamda o‘quvchilar uchun xavfsiz va munosib sharoitlarni yaratish masalalariga alohida eʼtibor qaratildi hamda ma`sullar tomonidan kuz-qish mavsumida barqaror faoliyat yuritish uchun zarur bo‘lgan ishlar amalga oshirilgani ma'lum bo'ldi. Shuningdek "Toza hudud" korxonasi tomonidan chiqindilar belgilangan muddatida olib chiqib ketilayotganligi aniqlandi.