Prezident Shavkat Mirziyoyevning Vashingtondagi tashrifi va Prezident Donald Tramp bilan Oq uydagi uchrashuvi O‘zbekiston va AQSh o‘rtasidagi strategik sheriklikni sifat jihatidan yangi darajaga olib chiqdi.

Ikki tomonlama munosabatlarda: Siyosiy muloqot chuqurlashdi, iqtisodiy hamkorlik investitsiyalar va yirik loyihalar bilan mustahkamlandi, va kelgusi uzoq muddatli sheriklik uchun institutsional asoslar yaratildi. 

Mintaqaviy miqyosda: "C5+1" formati orqali Markaziy Osiyo-AQSh aloqalarining yanada mustahkamlanishiga, xususan, iqtisodiyot, energetika, transport va xavfsizlik sohalarida amaliy mexanizmlarning shakllanishiga turtki berildi. 

Ushbu munosabatlar O‘zbekistonning ochiq, pragmatik va faol tashqi siyosatining yorqin namunasidir. Uchrashuv natijalari O‘zbekistonning mintaqaviy va global jarayonlardagi rolini mustahkamlashga xizmat qiladi.