Sessiyada Jizzax shahar tashkilot va idora rahbarlari, Kengash raisi va deputatlar, shuningdek, ommaviy axborot vositalari vakillari ishtirok etishdi. Kun tartibida 2025-yilning 9 oyi davomida amalga oshirilgan ishlar, yoshlar siyosati, xotin-qizlarni qo‘llab-quvvatlash, jamoat xavfsizligi, infratuzilma loyihalari va boshqa muhim 12 ta masala o‘rin oldi. Jumladan:

- Shaharda 2025-yilning 9 oyi davomida ijtimoiy va ishlab chiqarish infratuzilmasini rivojlantirish dasturiga kiritilgan loyihalarning bajarilishi;

- Jizzax shahar hokimining investitsiyalar, sanoat va savdo masalalari bo‘yicha o‘rinbosari tayinlanishiga oid qarorni tasdiqlash;

- Mahallalarda xavfsiz muhitni yaratish, jinoyatchilik va korrupsiyaga qarshi kurashish bo‘yicha amalga oshirilgan ishlar;

- Yoshlar siyosati, xotin-qizlarni ijtimoiy qo‘llab-quvvatlash, mahallalar faoliyati, jamoat xavfsizligi, shuningdek, shahar sanitariya holati va chiqindilarni tashish masalalari;

- Shahar ko‘chalariga yangi nomlar berish takliflari;

- 2026-yil uchun ijtimoiy ehtiyojmand aholini ish bilan ta’minlash rejalari;

- Shahar byudjeti mablag‘laridan samarali foydalanish kabi masalalar muhokama qilindi. Sessiya yakunida kun tartibidagi barcha masalalar yuzasidan tegishli qarorlar qabul qilindi.