"Xotin-qizlarning huquqiy bilimlarini oshirish oyligi" doirasida ochiq muloqot o‘tkazildi

O‘zbekiston Xalq demokratik partiyasi Guliston shahar Kengashi deputati M.Bektashova tomonidan Guliston shahar “Madaniyat” MFYda "Xotin-qizlarning huquq va qonuniy manfaatlarini himoya qilish, yosh oilalar o‘rtasida ajrimlarning oldini olish va yosh oilalarni mustahkamlash" mavzusida ochiq muloqot tashkil etildi. Tadbirda so‘z olganlar xotin-qizlar manfaatlarini himoya qilish, ular ahvolini tubdan yaxshilashga qaratilgan davlatimiz siyosati, xotin-qizlarni har tomonlama qo‘llab-quvvatlash, ular uchun barcha sharoitlarni yaratib berishga alohida e’tibor qaratilayotgani, ularni jamiyatda siyosiy-huquqiy bilimlarini oshirishda amalga oshirilayotgan ishlar, shuningdek, aholi orasida yuqumli bo‘lmagan kasalliklarning oldini olish, sog‘lom turmush tarzini shakllantirish va jismoniy faollik darajasini oshirish kabi mavzularga to‘xtaldilar.