Joriy yilning 25-iyul kuni Xalq deputatlari Sardoba tumani Kengashi raisi Ziyadulla Karimov va tuman deputati B.Bo'tayevlar migratsiyadagi yoshlar bilan onlayn ochiq muloqot o‘tkazdi. Samimiy ruhda kechgan ochiq muloqotda yoshlar o‘z dardini, niyatini, taklifini bemalol bayon qilishdi.
Muloqot jarayonida ishtirokchi yoshlar ta’lim olish, ish bilan ta’minlanish, huquqiy maslahatlar olish hamda ijtimoiy moslashuv bo‘yicha o‘z fikr va muammolarini ochiq bayon etdilar.

Ayniqsa, o'qiyotgan va xorijda ish faoliyatini davom ettirayotgan yoshlarga qulay imkoniyatlar yaratish bo‘yicha bildirgan takliflar alohida e’tiborga olindi.

Muloqot davomida tuman hokimi: "Yoshlarning har bir taklif va tashabbuslaringiz amaliy chora-tadbirlar belgilash uchun asos bo‘ladi. Bildirilgan barcha murojaatlar tegishli mas’ullarga yetkaziladi hamda qat'iy nazoratga olinadi," — deya ta’kidladi.