Xalq deputatlari Bekobod shahar kengashining “Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi”ning yig‘ilishi o‘tkazildi. Unda doimiy komissiyaning ish rejasi asosida sessiya kun tartibiga kiritilgan masala deputatlar tomonidan
atroflicha muhokama etildi. Sessiya kun tartibidagi O‘zbekiston Respublikasi Prezidentining “Aholiga sifatli ijtimoiy xizmat va yordam ko‘rsatish hamda uning samarali nazorati tizimini yo‘lga qo‘yish bo‘yicha kompleks chora-tadbirlar to‘g‘risida”gi PF-82-son farmonining ijrosi to‘g‘risida shahar “Inson” ijtimoiy xizmat markazi rahbari Sh.Mamarizayevning hisoboti va shahar mahalliy byudjeti daromadlarini bajarilishi holati, qo‘shimcha rezervlarning aniqlash bo‘yicha qilingan ishlar va soliq qarzdorligi to‘g‘risidagi shahar Soliq inispeksiyasi boshlig‘i F.Mamatqulovning hisoboti eshitildi. Muhokama jarayonida doimiy komissiya raisi U.Abdunazarov, shahar kengashi kotibiyati mudiri X.Ibrgimova, shahar kengashi deputatlari A.Ismatov, R.Qayumov, K.Shukurov o‘z fikr-mulohazalarini bildirib o‘tdilar. Ushbu masala sessiya kun tartibiga kiritish taklifi ma’qullandi.