Xalq deputatlari shahar kengashining bir guruh deputatlari O‘zbekiston Respublikasi Prezidentining 2025-yil 3-yanvardagi PQ-1-son qarori ijrosi va Yoqilg‘i-energiya resurslaridan noqonuniy foydalanish va behuda sarflanishining oldini olish bo‘yicha shahar prokuraturasida tuzilgan Ishchi guruh faoliyati bilan tanishib, olib borilayotgan ishlar to‘g‘risida shahar prokurori adliya maslahatchisi B.Ilyasovning axborotini eshitdilar. Davlatimiz rahbari tomonidan qabul qilingan “Yoqilg‘i-energiya resurslaridan noqonuniy foydalanish va behuda sarflanishining oldini olish hamda energiya samaradorligini oshirish bo‘yicha chora-tadbirlarni takomillashtirish to‘g‘risida”gi qarori asosida yangicha tizim joriy etilib, prokuraturaning mas’uliyati yanada oshirildi. Qaror bilan respublikaning har bir tumani va shahrida energiya balansini ishlab chiqish, ularning ko‘rsatkichlarini bajarish, energiyani tejash dasturlari ijrosini ta’minlash, energiya samaradorligini oshirish bo‘yicha shahar idoralararo ishchi guruhlari tuzilib, faoliyat olib bormoqda. Ishchi guruh faoliyatini yanada kuchaytirish va samarali olib borish bo‘yicha takliflar bildirilib, yaqindan hamkorlikka kelishib olindi.  

Shuningdek, shahar kengashining deputatlari shahar prokuraturasi binosida “Prokuratura tarixi”ni aks ettirgan kichik muzey faoliyati bilan tanishdilar. Unda joy olgan tarixiy eksponantlar va hujjatlar deputatlarda katta ta’surot uyg‘otdi. Ushbu muzeyda joy olgan eksponantlar aholi,
ayniqsa yoshlar ongida huquqni muhofaza qilish idoralari tizimida qonun ustuvorligini ta’minlash va fuqarorlar huquqini himoya qilish jarayonlarini shakllantirishga xizmat qilishi bilan ahamiyatlidir.