#deputatlik_nazorati_Uchtepa #ekspert_guruhlari

BOLALAR MAYDONCHASINING HOLATI O‘RGANILDI

🇺🇿 Xalq deputatlari Uchtepa tumani Kengashining "14-O‘rikzor" saylov okrugi deputati Abdurashid Abdushukurov tomonidan O‘rikzor mahallasida, 603-sonli davlat maktabgacha ta’lim tashkilotiga tutash hududda joylashgan bolalar maydonchasining holati o‘rganildi.

🕯 O‘rganish davomida mahalla ehtiyojlari uchun bolalar maydonchasi hududidan suv quvuri o‘tkazilgani, biroq ishlar yakunlangach, qazilgan joy qayta beton qoplamasi bilan tiklanmasdan, shu holatda qoldirilgani aniqlandi. Bu esa hududni obodonlashtirish va bolalar uchun xavfsiz sharoit yaratish zarurligini ko‘rsatadi.

💼 Mazkur masala yuzasidan tuman SUVSOZ korxonasi rahbari Shuhrat Djurayevga tegishli tavsiyalar berilib, hududni tartibga keltirish va beton qoplamasini tiklash zarurligi ta’kidlandi. O‘rganishda xalq deputatlari Uchtepa tumani Kengashi kotibiyati mudiri A.Usmanov hamda ekspert guruhi a’zosi A.Giyasov ham ishtirok etdi.

📈 Asosiy maqsad — bolalar maydonchasini obod va xavfsiz holatga keltirish, kommunal ishlar yakunlangach, hududni qayta tiklash hamda aholi uchun qulay sharoit yaratishdan iborat.