#_ish_reja_ijrosi
#_deputat_faoliyati
#_kotibiyat_xodimi_faoliyati
#_24_talik_masala
Aholi salomatligi — doimiy e’tiborda

Xalq deputatlari Sariosiyo tumani Kengashining «17-Dashnabod» saylov okrugidan saylangan deputati D.Mamadiyeva hamda tuman Kengashi kotibiyati bosh mutaxassisi N.Xamdamova Sarijar mahallasida o‘rganish ishlarini olib borishdi.

O‘rganish jarayonida tuman Kengashining 2026 yilga mo‘ljallangan ish rejasining 7-bandi ijrosi yuzasidan hududda aholiga tibbiy xizmat ko‘rsatish holati, xususan, tez tibbiy yordam xizmati faoliyati hamda kafolatlangan bepul tibbiy yordamning aholiga ko‘rsatilishi tahlil etildi.

Shuningdek, aholining tibbiy xizmatlardan foydalanish imkoniyatlari, tibbiyot muassasalari faoliyati va fuqarolarni qiynayotgan mavjud muammolarga e’tibor qaratildi. O‘rganish davomida sog‘liqni saqlash sohasidagi xizmatlar sifatini oshirish, aholiga o‘z vaqtida va sifatli tibbiy yordam ko‘rsatish, shuningdek, belgilangan vazifalar ijrosini ta’minlash masalalari yuzasidan fikr va mulohazalar o‘rganildi.

Mazkur o‘rganishlar aholi salomatligini muhofaza qilish, tibbiy xizmatlar sifatini yaxshilash hamda fuqarolarning sog‘liqni saqlash sohasidagi huquq va manfaatlarini ta’minlashga qaratilgan.