Maktabning kuz-qish mavsumiga tayyorgarlik holati o‘rganildi

Xalq deputatlari O‘rta Chirchiq tuman Kengashining 15-O‘zbekiston saylov okrugi deputati Radjapov Shuxrat Payg‘ambarovich tomonidan Darxan MFY hududida joylashgan 28-umumta’lim maktabining isitish tizimlari hamda kuz-qish mavsumiga tayyorgarlik holati o‘rganildi.

O‘rganish davomida ta’lim muassasasida isitish tizimlarining texnik holati, ularning mavsum davomida uzluksiz ishlashini ta’minlash, sinf xonalarida o‘quvchilar uchun qulay harorat sharoitlarini yaratish hamda qish mavsumiga ko‘rilgan tayyorgarlik choralari ko‘zdan kechirildi.

Shuningdek, maktab binosida mavjud isitish uskunalari va muhandislik kommunikatsiyalarining holatiga e’tibor qaratilib, kuz-qish mavsumini betalafot va muammosiz o‘tkazish uchun zarur shart-sharoitlarni ta’minlash masalalari ko‘rib chiqildi.

✅Xalq deputatlari O'rta Chirchiq tuman Kengashi kotibiyati axborot xizmati!