Sessiya kún tártibine kirgizilgen másele deputatlar tárepinen úyrenildi.

Sessiya kún tártibine kirgizilgen D-234 "Nókis-Shımbay-Taxtakópir" avtomobil jolında jol háreketi qáwipsizligin támiyinlew maqsetinde 5.22 "Elatlı punkt" hám "Rayon orayı" jol belgileri ornatıw haqqındaǵı másele Xalıq deputatları Shımbay rayonlıq Keńesi deputatları E.Madreymov, Q.Xamidullaev hám de Shımbay rayonı Ishki isler bólimi jol háreketi qáwipsizligi toparı aǵa inspektorı podpolkovnik B.Kaniyazov hám tiyisli taraw wákilleri menen birgelikte rayon orayına kiriw hám shıǵıw jollarında rayon orayın bildiriwshi jol belgileriniń jaylasıwı hám texnikalıq jaǵdayı úyrenildi.

Ózbekstan Respublikasınıń 2024-jıl 19-yanvar kúngi “Jol háreketi haqqında”ǵı ÓRQ-900-sanlı Nızamı, Ózbekstan Respublikası Ministrler Kabinetiniń 2023-jıl 3-aprel kùngi “Jol háreketi qaǵıydalarına avtomobil jollarında háreket qáwipsizligin támiyinlewge qaratılǵan ózgeris kirgiziw haqqında”ǵı 140-sanlı qararı hám de Qaraqalpaqstan Respublikası Ishki isler Ministrligi 3-zonallıq aymaq Shımbay rayonı Ishki isler bòliminiǹ 2026-jıl 20-iyul kùngi 44/45-11/3124-sanlı usınıs xatı tiykarında jol-transport hádiyseleriniń aldın alıw, piyadalar hám jol háreketi qatnasıwshılarınıń qáwipsizligin támiyinlew, xalıq tıǵız jaylasqan aymaqlar hám bilimlendiriw mákemeleri janında transport qurallarınıń tezligin sheklew boyınsha ámelge asırılıp atırǵan jumıslar kórip shıǵıldı.

Úyreniw dawamında atap ótilgen avtomobil jolınıń Shımbay rayonı aymaǵınan ótetuǵın bólimlerindegi jol háreketi qáwipsizligi, aydawshılar hám piyadalar ushın jaratılǵan sharayatlar, sonday-aq, "Elatlı punkt" hám "Rayon orayı" jol belgilerin ornatıw zárúrligi kórip shıǵıldı.

Deputatlar bul másele boyınsha tiyisli máselelerdi talqılap, jol háreketi qáwipsizligin jáne de kúsheytiw, jol qatnasıwshılarınıń qáwipsiz háreketin támiyinlew hám jolda qáwipli jaǵdaylardıń aldın alıw maqsetinde tiyisli usınıs hám pikirlerin bildirdi.