#_doimiy_komissiya_faoliyati
#_Ekspertlar_guruhi_faoliyati
#_kotibiyat_xodimi_faoliyati

Doimiy komissiya va “Ekspertlar guruhi” hamkorligida xotin-qizlar tadbirkorligini qo‘llab-quvvatlash masalalari o‘rganildi

Xalq deputatlari Sariosiyo tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi hamda tuman Kengashi huzuridagi “Ekspertlar guruhi” hamkorligida xotin-qizlarni qo‘llab-quvvatlash va ularning tadbirkorlik faoliyatini rivojlantirish masalalari yuzasidan manzilli o‘rganish tadbiri o‘tkazildi.

Tadbirda doimiy komissiya raisi N.Chorshanbiyeva, doimiy komissiya a’zolari, tuman Kengashi huzuridagi “Ekspertlar guruhi” a’zosi M.Normo‘minova hamda tuman Kengashi kotibiyati bosh mutaxassisi N.Xamdamova ishtirok etdilar.

Manzilli tadbir tuman Kengashining 2026-yilga mo‘ljallangan ish rejasining 7- 19- va 34-bandlari ijrosini ta’minlash maqsadida “Mirzo Ulug‘bek” mahallasida faoliyat yuritayotgan tadbirkor ayollar bilan o‘tkazildi.
Uchrashuv davomida xotin-qizlarning tadbirkorlik faoliyatini yo‘lga qo‘yishi va kengaytirishi uchun yaratilayotgan imkoniyatlar, ularni har tomonlama qo‘llab-quvvatlash, imtiyozli kredit va moliyaviy ko‘maklardan foydalanish imkoniyatlari, kasb-hunarga o‘qitish hamda bandligini ta’minlash borasida amalga oshirilayotgan ishlar tahlil qilindi.

Shuningdek, tadbirkor ayollarning mavjud muammo va takliflari o‘rganilib, ularni hal etish bo‘yicha mas’ul tashkilotlar bilan hamkorlikni kuchaytirish, xotin-qizlarning huquqlari va qonuniy manfaatlarini himoya qilish, tadbirkorlik tashabbuslarini qo‘llab-quvvatlash yuzasidan fikr almashildi.
Uchrashuv yakunida bildirilgan taklif va murojaatlar tegishli tartibda o‘rganilib, aniqlangan muammolarni bartaraf etish hamda xotin-qizlarning tadbirkorlik faoliyatini yanada rivojlantirish bo‘yicha tegishli chora-tadbirlarni amalga oshirish belgilab olindi.

Bunday manzilli uchrashuvlar xotin-qizlarning iqtisodiy faolligini oshirish, ularning tadbirkorlik tashabbuslarini qo‘llab-quvvatlash va mahallalarda yangi ish o‘rinlarini yaratishga xizmat qiladi.