Deputat tomonidan fuqarolar murojaati o‘rganildi

📍Xalq deputatlari O‘rta Chirchiq tumani Kengashining 7-Fayzobod saylov okrugi deputati N.Dushayeva, tuman Kengashi kotibiyati bosh mutaxassisi Sh.Sidikova hamda “Tinchlik” MFY raisi ishtirokida mahalla hududida istiqomat qiluvchi fuqarolarning murojaatlari o‘rganildi.

📃O‘rganish jarayonida fuqarolar tomonidan mahalla hududidagi ichimlik suvi tarmoqlarining nosoz holati bilan bog‘liq muammolar ko‘tarildi. Xususan, ayrim hududlarda suv tarmoqlaridan tinimsiz suv oqib turishi natijasida yo‘l va yo‘l chetlariga suv toshib, aholi uchun noqulayliklar yuzaga kelayotgani ta’kidlandi.

📌Mazkur murojaat deputat tomonidan nazoratga olinib, aholi murojaatlarini ko‘chama-ko‘cha o‘rganish daftariga qayd etildi.

📌Murojaatlar deputat tomonidan tinglanib, mavjud muammoni joyiga chiqqan holda o‘rganish, uning kelib chiqish sabablarini aniqlash hamda tegishli tashkilotlar bilan hamkorlikda bartaraf etish choralarini ko‘rish belgilandi.

✅Xalq deputatlari O'rta Chirchiq tuman Kengashi kotibiyati axborot xizmati!