#Doimiy_komissiya_faoliyatidan
19¹-modda
🏫 TA’LIM SIFATI, DAVOMAT VA KUZ-QISH MAVSUMIGA TAYYORGARLIK — E’TIBOR MARKAZIDA

📋 Xalq deputatlari Sherobod tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi qaroriga asosan tumandagi umumiy o‘rta ta’lim maktablarida ta’lim sifati, qonunchilik hujjatlari ijrosi, obodonlashtirish ishlari, 2026–2027-yillar kuz-qish mavsumiga tayyorgarlik hamda o‘quvchilar davomatining holatini o‘rganish bo‘yicha ishchi guruhi o‘z faoliyatini boshladi.

👥 Ishchi guruhi tomonidan navbatdagi o‘rganish ishlari 75-sonli umumta’lim maktabida olib borildi.

🏫 O‘rganish davomida maktab jamoasi bilan uchrashuv o‘tkazilib, ta’lim sifati va samaradorligini oshirish, o‘quvchilar davomatini yaxshilash, ta’lim sohasiga oid qonunchilik hujjatlari ijrosini ta’minlash hamda maktabda yaratilgan shart-sharoitlar yuzasidan fikr almashildi.

🔎 Shuningdek, maktab hududida obodonlashtirish ishlarining holati, mavjud infratuzilma, bino va xonalarning kuz-qish mavsumiga tayyorgarligi hamda mavsumni barqaror o‘tkazish uchun amalga oshirilayotgan ishlar ko‘zdan kechirildi.

📝 O‘rganish yakunida ta’lim muassasasi faoliyatidagi mavjud masalalarni tahlil qilish, aniqlangan kamchiliklarni bartaraf etish va ta’lim sifatini yanada yaxshilash bo‘yicha tegishli taklif va tavsiyalar ishlab chiqishga e’tibor qaratildi.

✅ Bunday o‘rganishlardan asosiy maqsad — maktablarda ta’lim-tarbiya sifatini oshirish, o‘quvchilar uchun munosib sharoitlar yaratish, davomatni mustahkamlash hamda ta’lim muassasalarining kuz-qish mavsumiga tayyorgarligini ta’minlashdan iborat.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube