“Olmazor tajribasi” asosida amalga oshirilayotgan chora-tadbirlar muhokama qilindi

Xalq deputatlari Namangan shahar Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi yig‘ilishida Namangan shahrida “Olmazor tajribasi” asosida tashkil etilgan loyiha guruhlarining 2026-yilda amalga oshiriladigan chora-tadbirlari ko‘rib chiqildi.

Yig‘ilishda hududlarning iqtisodiy salohiyatidan samarali foydalanish, qo‘shimcha daromad manbalarini shakllantirish, aholi bandligini ta’minlash hamda investitsiya loyihalarini amalga oshirish bo‘yicha olib borilayotgan ishlar yuzasidan axborot berildi.

Shuningdek, mahallalarning ixtisoslashuvi asosida tashkil etilgan loyiha ofislari faoliyati, yangi ish o‘rinlari yaratish, tadbirkorlikni rivojlantirish va mahalliy budjet daromadlarini oshirish bo‘yicha amalga oshirilayotgan ishlar muhokama qilindi.

Muhokama yakunida “Yo‘l xaritasi”da belgilangan vazifalar ijrosini o‘z vaqtida va sifatli ta’minlash, natijadorlik ko‘rsatkichlarini oshirish hamda masalani xalq deputatlari Namangan shahar Kengashining navbatdagi sessiyasi muhokamasiga kiritish yuzasidan qaror qabul qilindi.