T2 KANALINI BETONLASH ISHLARI O‘RGANILDI

Xalq deputatlari Termiz tuman Kengashi 8-Tajribakor saylov okrugi deputati, kotibiyat mudiri A. Avliyakulov tomonidan M. Eshtemirov MFY hududidan o‘tuvchi T2 kanalida loyiha asosida amalga oshirilayotgan betonlash ishlari o‘rganildi.

O‘rganish jarayoni mahalladagi “Yettilik” vakillari bilan birgalikda olib borilib, kanalni betonlash ishlarining borishi, belgilangan loyiha asosida bajarilishi hamda ishlarning sifati ko‘zdan kechirildi.

Mazkur kanalning betonlashtirilishi hududdagi sug‘orish tizimini yaxshilash, suvning behuda sarflanishining oldini olish va qishloq xo‘jaligi yerlarini suv bilan ta’minlash samaradorligini oshirishga xizmat qiladi.

O‘rganish davomida ishlarni belgilangan talablar asosida sifatli va o‘z vaqtida yakunlash masalalariga alohida e’tibor qaratildi.