Xalq deputatlari Marg‘ilon shahar Kengashi kotibiyat mudiri A.Ermatov hamda shahar Kengashi deputati N.Akbarova, kotibiyat bosh mutaxassisi Z.Yakubova tomonidan A.Navoiy MFY hududida ijtimoiy himoyaga muhtoj oilalar holatini o‘rganish ishlari davom ettirildi.

O‘rganish jarayonida ijtimoiy xodim hamrohligida yashil ta’mirlash ishlari yakuniga yetgan xonadonlarning holati, fuqarolarning ijtimoiy sharoiti hamda ularga ko‘rsatilayotgan xizmatlar sifati ko‘zdan kechirildi.

Jumladan, A.Navoiy mahallasi Ipak yo‘li ko‘chasi, 67A-uy, 3-xonadonda istiqomat qiluvchi Turg‘unova Xolidaxonning xonadoni ham o‘rganildi. Fuqaro I guruh nogironligi bo‘lgan shaxs bo‘lib, davlat ta’minotida turishi qayd etildi.

O‘rganish davomida xonadondagi yashash sharoiti, amalga oshirilgan ta’mirlash ishlari va fuqaroning kundalik hayotida zarur bo‘ladigan ijtimoiy xizmatlardan foydalanish holatiga e’tibor qaratildi.

Shuningdek, ijtimoiy himoyaga muhtoj fuqarolar bilan individual ishlash, ularning ehtiyojlarini o‘z vaqtida aniqlash va mavjud muammolarni tegishli tartibda hal etish bo‘yicha mas’ullarga tegishli tavsiyalar berildi.

Aniqlangan masalalar deputatlik nazorati doirasida qayd etilib, ularning ijrosi monitoringga olindi.