Xalq deputatlari Andijon shahar Kengashi tomonidan qabul qilinayotgan qarorlar ijrosini ta’minlash va nazorat qilish bo‘yicha amaliy ishlar olib borilmoqda.

Xususan, “Hududgaz Andijon” Andijon shahar gaz ta’minoti bo‘limiga O‘zbekiston Respublikasi Prezidentining Andijon shahridagi Xalq qabulxonasi tomonidan aholi murojaatlari va muammolari bilan ishlash holati yuzasidan taqdim etilgan axborot bo‘yicha Xalq deputatlari Andijon shahar Kengashining 2026-yil 3-avgustdagi VII-20-59-1-29-K/26-sonli qarori ijrosini ta’minlash yuzasidan tegishli xat yuborilgan edi.

Mazkur xat va Kengash qarori ijrosi yuzasidan 2026-yil 26-avgustdagi 10/27-01-03/736-sonli javob xatida topshiriqlar ijrosini ta’minlashda kamchiliklarga yo‘l qo‘ygan mas’ul xodimga nisbatan belgilangan tartibda ogohlantirish berilgani ma’lum qilindi.

Kengash qarorlari ijrosining bunday tartibda nazorat qilinishi belgilangan vazifalarning o‘z vaqtida va sifatli bajarilishini ta’minlashga xizmat qiladi.