Xalq deputatlari Chilonzor tumani Kengashining 2026-yil 25-avgustdagi III-23-74-14-204-K/26-son qarori qabul qilindi.
Mazkur qaror O‘zbekiston Respublikasining 2026-yil 15-iyundagi O‘RQ-1153-son Qonuni ijrosini ta’minlash hamda o‘zboshimchalik bilan egallab olingan yer uchastkalari va ularda qurilgan bino va inshootlarga bo‘lgan huquqlarni e’tirof etish jarayonlarini tartibga solishga qaratilgan.
🔹 Qarorga muvofiq, Chilonzor tumanida jamoatchilik asosida ishlovchi ishchi guruh tashkil etildi.
🔹 Ishchi guruh tarkibiga tuman hokimligi, qurilish, kommunikatsiyalar, ekologiya va ko‘kalamzorlashtirish yo‘nalishlari mas’ullari, Davlat kadastrlar palatasi Chilonzor tuman filiali vakillari hamda fuqarolarning o‘zini o‘zi boshqarish organlari raislari kiritildi.
🔹 Ishchi guruhga O‘RQ-937-son Qonunining tegishli normalariga muvofiq, yer uchastkasi qaysi yilda egallab olingani to‘g‘risidagi ma’lumotlarni kiritish vazifasi yuklatildi.
📍 Qarorning ijrosini ta’minlash mas’uliyati Chilonzor tuman hokimining tegishli o‘rinbosariga, ijroni nazorat qilish esa Kengashning doimiy komissiyalariga yuklatildi.