📍 Xalq deputatlari Chilonzor tumani Kengashining 2026-yil 27-avgustdagi III-23-78-14-204-K/26-son qarori bilan Qatortol ko‘chasining 1,0 km qismini tunu-kun, ya’ni 24/7 rejimda ishlaydigan ko‘chaga aylantirish maqsadida 5 mlrd so‘m mablag‘ ajratildi.
Mazkur mablag‘lar quyidagi ishlarni amalga oshirishga yo‘naltiriladi:
🔹 sug‘orish suvi bilan ta’minlash uchun nasos o‘rnatish;
🔹 artezan quduq qazish;
🔹 sug‘orish tarmog‘ini tortish;
🔹 lotoklar o‘rnatish;
🔹 piyodalar yo‘lagini qurish;
🔹 ko‘p qavatli uylar fasadlarini ta’mirlash;
🔹 hududni obodonlashtirish va infratuzilmasini yaxshilash.
✨ Ushbu loyiha poytaxt ko‘chalarining jozibadorligini oshirish, turizm va xizmat ko‘rsatish infratuzilmasini rivojlantirish, shuningdek, aholiga qulay va zamonaviy shahar muhitini yaratishga xizmat qiladi.
📌 Mablag‘lar O‘zbekiston Respublikasi Vazirlar Mahkamasining 2025-yil 5-avgustdagi 395-son qarori hamda Xalq deputatlari Toshkent shahri Kengashining 2025-yil 25-sentabrdagi VII-5-147-14-0-K/25-son qarori asosida ajratildi.