Bugun Angor tumanidagi umumta’lim maktablarida “Birinchi qo‘ng‘iroq” tadbirlari ko‘tarinki ruhda o‘tkazildi.

Jumladan, tumandagi maktablarda yangi o‘quv yilining boshlanishiga bag‘ishlangan bayram tadbiri “Yagona Vatan, yagona xalq bo‘lib, yangi hayot va kelajak yaratamiz!” shiori ostida tashkil etildi. Unda tuman faollari, hokimlik vakillari, maktab jamoasi, o‘quvchilar hamda ularning ota-onalari ishtirok etdi.

🎤 Tadbir davomida Vatanga muhabbat, yurtga sadoqat va ilm olishning ahamiyati haqida fikrlar bildirilib, o‘quvchilarga yangi o‘quv yilida ulkan zafarlar tilandi.

📚 Ayniqsa, maktab ostonasiga ilk bor qadam qo‘ygan 1-sinf o‘quvchilariga 12 nomdagi o‘quv qurollaridan iborat “Prezident sovg‘asi” topshirildi va “Birinchi qo‘ng‘iroq” ular uchun unutilmas taassurotlarga boy bo'ldi