Xalq deputatlari Angor tumani Kengashi 12-Qodiriy saylov okrugi deputati Qo‘ziyeva Shoira tomonidan Sharq guli mahallasida joylashgan 27-sonli davlat maktabgacha ta’lim tashkiloti faoliyati yuzasidan nazorat-tahlil tadbiri o‘tkazildi.

Nazorat tadbiri davomida maktabgacha ta’lim tashkilotida tarbiyalanuvchilar uchun yaratilgan sharoitlar, ta’lim-tarbiya jarayonining tashkil etilishi, sanitariya-gigiyena talablariga rioya etilishi, mavjud jihoz va inventarlardan foydalanish holati hamda muassasaning yangi o‘quv yiliga tayyorgarligi o‘rganildi.

Shuningdek, aniqlangan holatlar yuzasidan mas’ullarga tegishli tavsiya va ko‘rsatmalar berilib, mavjud kamchiliklarni bartaraf etish hamda ta’lim-tarbiya sifatini yanada oshirish bo‘yicha zarur choralarni ko‘rish masalalariga e’tibor qaratildi.

Mazkur nazorat-tahlil tadbirida xalq deputatlari Angor tumani Kengashi Kotibiyati mudiri ham ishtirok etib, muassasadagi mavjud holatlarni birgalikda o‘rgandi.

Deputatlik nazorati doirasidagi bunday o‘rganishlar maktabgacha ta’lim tashkilotlarida bolalar uchun munosib sharoitlar yaratish, ta’lim sifati va xavfsizlik talablariga rioya etilishini ta’minlash hamda aniqlangan muammolarni o‘z vaqtida bartaraf etishga xizmat qiladi.