#doimiy_komissiya_qarori

QISQA MAZMUN:

2026-yil 6-iyul kuni Kogon shahar Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasida ko‘p kvartirali uy-joylarni ta’mirlash bo‘yicha avval tasdiqlangan manzilli ro‘yxatga o‘zgartirish kiritish masalasi ko‘rib chiqildi.

Qarorga muvofiq, 2026-yil davomida amalga oshiriladigan mukammal va joriy ta’mirlash ishlari ro‘yxatining 3-ilovasiga tegishli o‘zgartirishlar kiritildi va yangilangan ro‘yxat tasdiqlandi.


Masalani sessiyada ko‘rib chiqish komissiya a’zosi Sh.Mardonovga yuklatildi. Qaror ijrosi nazorati komissiya raisi zimmasida qoldirildi.

Ilovaga ko‘ra, shahardagi ko‘p kvartirali uylar hududlarida bolalar maydonchalari qurish, yo‘laklarni betonlash va boshqa infratuzilma obyektlarini barpo etish uchun jami 4 376 mln so‘m mablag‘ ajratilishi rejalashtirilgan.

Xalq deputatlari
Kogon shahar Kengashi
axborot xizmati

Telegram . Instagram . Facebook . Youtube . E-kengash